views
19

አብዛኞቻችን ንግድ ምንድነው? ንግድ ምን ማለት ነው? የሚለውን ጥያቄ ስንጠይቅ ስለ ንግድ ምንነት ጠፍቶን ወይም ሳይገባን ቀርቶ አይደለም፡፡ ነገር ግን ራሳችን ወደ ንግድ ውስጥ ለመግባት ስንፈልግ ወይም ለሌሎች ሰዎች ስለ ንግድ ለማስረዳት ፈልገን ነገሮችን ለራሳችን ግልጽ ለማድረግ ስንሞክር እንደዚህ ዓይነት ጥያቄ እንጠይቃለን፡፡


ንግድ በራሱ እንቅስቃሴ ሲሆን ነገር ግን ይህ እንቅስቃሴ በብዙ መንገዶች ሊገለፅ ይችላል፡፡ ስለዚህ ንግድ፡-

  • የአንድ ግለሰብ ቋሚ የሆነ ሙያ ወይም ሥራ ማለት ነው፡፡
  • ድርጅታዊ ወይም አገራዊ የግዢና ሽያጭ ልውውጥ እንቅስቃሴ ማለት ነው፡፡
  • በአብዛኛውን ጊዜ ለትርፍ የተቋቋመና የኑሮ መተዳደሪያ ማለት ነው፡፡

ሰዎች ከእርሻቸውአርሰው ያገኙትን ፍሬ ሲበሉ ንግድ አይባልም፡፡ አንዳንዶች ግን ያንን ያገኙትን ፍሬ ሸጠው ወይም በተለዋጭ ለውጠው ባገኙት ልዋጭትርፍ ሲበሉና ሲተዳደሩ ንግድ ይባላል፡፡

በንግድ እንቅስቃሴ ውስጥ የተለያዩሥራዎች አሉ፡፡ እነዚህ ሥራዎች በምድብ የተከፋፈሉ ሲሆኑ ማንም ንግድ ውስጥ ለመግባት የሚፈልግ ሰው መርጦ የሚገባባቸውና የሚሞክራቸው ናቸው፡፡ ለምሳሌ፡- የምግብና መጠጥ ፣ የአልባሳትና ጫማዎች ፣ የቤትና የቢሮ ውስጥ ዕቃዎች ፣ የመኪና መሸጫ ፣ የኮንስትራክሽን ዕቃዎች ፣ ኤሌክትሮኒክስና የቴክኖሎጂ ውጤቶችና ፣ ሌሎችም ብዙ ምድቦች አሉ፡፡ እነዚህ ምድቦች የተሰየሙት ውስጡ በሚሰሩት ሥራዎች ላይ ተመስርተው ሲሆን ሁሉም የየራሳቸው የሆነ አሰራር ፣ ህግና ደንቦች አላቸው፡፡

ንግድ የራሱ የሆነ የአሰራር ቅደም ተከተል ያለው ሲሆን ይህ ቅደም ተከተል እንደ ንግዱ ዓይነት ፣ እንደ አካባቢው ሁኔታና የመንግስት መተዳደሪያ ህግ የሚወሰንይሆናል፡፡ ማንም በንግድ ውስጥ ለመግባት የሚፈልግ ግለሰብ እነዚህን ቅደም ተከተል ለመቀበልና ተግራዊ ለማድረግ ዝግጁ መሆን አለበት፡፡እነዚህን ቅደም ተከተል በመከተል ንግዱን የመሰረተ ማንኛውም ግለሰብ ህጋዊ ንግድ እንዳለው ይቆጠራል፡፡

Don't miss out!

Subscribe For Latest Articles

Never miss latest business and lifestyle articles.

Invalid email address
We promise not to spam you. You can unsubscribe at any time.
Article Rate
[Total: 1 Average: 5]